ЛИТУРГИЈА И ОДБЕЛЕЖУВАЊЕ НА ХРАМОВИОТ ПРАЗНИК ГОЛЕМА БОГОРОДИЦА ВО СИДЕНХАМ
На 28. 08. 2024 година, кога го празнуваме празникот на Успението на Пресвета Богородица (Голема Богородица), во црковната општина „Успение на Пресвета Богородица“ во Сиденхам, старешината на храмот протојереј – ставрофор Ефтим Бетински во сослужение со отец Гаврил отслужи Света Златоустова Литургија со што беше одбележана храмовата слава. На Литургијата, учество зеде мноштво верен народ, кој му се заблагодари на Бога и се причести со Светите Христовите Тајни.
СВЕТА БОЖЕСТВЕНА ЛИТУРГИЈА ВО ЕПИНГ
На 25. 08. 2024 година, во деветта недела по Педесетница, кога го празнуваме споменот на Светите маченици Аникита и Фотиј и на Светиот свештеномаченик Александар, епископ Комански, во црковната општина „Свети Георгиј и Пресвета Богородица“ во Епинг, старешината на храмот јереј Климент Станковски служеше Света Златоустова Литургија. На Светата Литургија, верниот народ се причести со Светите Христови Тајни.
СПОРТСКИ АКТИВНОСТИ ВО ОРГАНИЗАЦИЈА НА MOYA
Македонската православна младина на Австралија (MOYA) секој месец организира настан. Овој месец тоа беа спортски активности, кои се одржаа на 24 август.
ПРАЗНИКОТ ПРЕОБРАЖЕНИЕ ЛИТУРГИСКИ ПРОСЛАВЕН ВО ВОЛОНГОНГ
На 19. 08. 2024 година, кога го празнуваме празникот на Преображението на Господ Исус Христос на Тавор;, во црковната општина „Свети вмч. Димитриј Солунски“ во Волонгонг, протојерејот Томе Младеновски служеше Света Златоустова Литургија. На Светата Литургија, верниот народ се причести со Светите Христови Тајни. Веднаш по Литургијата беше благословен лозовиот плод.