До:
г. Даријан Сотировски,
Директор на Комисијата за односи со верските заедници и религиозни групи
Почитуван,
Дозволете да Ви се обратиме со оваа скромна, но искрена честитка од името на сите членови на Информативната служба на Австралиско – сиднејската православна епархија – по повод Вашето назначување на позицијата Директор на Комисијата за односи со верските заедници и религиозните групи во Република Македонија.
Ви посакаме успешна и од Бога благословена работа. Севишнот Бог нека Ви даде сили и мудрост правилно и достоинствено да ја извршувате доверената функција за доброто на Македонскиот народ во Македонија и во дијаспората.
Уште еднаш Ви посакуваме многу елан за успех, Вам и на Вашите соработници, но и очекуваме плодна и успешна соработка, пред сè за слава на Бога: Отецот, Синот и Светиот Дух, сега и секогаш и во сите векови.
Со искрена почит,
Информативна служба
mpcoau@gmail.com
Сиднеј,
14. 02. 2018