На радост на целокупната црковна заедница во Волонгонг – Сиднеј, денес во Месопусната недела на Страшниот Христов суд кога нашата Света Православна Црква го прославува празникот посветен на светиот свештеномаченик Харалампиј, новоназначениот парохиски свештеник о. Борислав Лазов, кој деновиве пристигна во Австралија ја отслужи својата прва Литургија во храмот ,,Свети вмч. Димитриј Солунски” во Волонгонг.
Досегашниот свештеник о. Томе Младеновски го претстави новодојдениот парохиски свештеник пред верниците, а потоа свое обраќање имаше и новоназначениот парохиски свештеник о. Борислав.
На новодојдениот свештеник о. Борислав од името на сите црковни општини при Австралиско-сиднејската православна епархија му посакуваме успешна мисионерска дејност во Волонгонг.
